LIGJET E BIZNESIT
Mesditën e sotme Komisioneri për Zgjerim Oliver Varhelyi tregoi se ka patur një diskutim me kryetarin e Partisë Demokratike Lulzim Basha, ku në qendër të tij ishte tema e Reformës Zgjedhore, që vijon të mbetet një nga kushtet kryesore për integrimin e vendit drejt BE dhe që duhet të përmbyllet në afatin kohor deri më 31 maj.
“Fola me Lulzim Bashën sot, duke mirëpritur rifillimin e punës ndërpartiake për Reformën Zgjedhore në Këshillin Politik”. “Është thelbësore për Shqipërinë në rrugën e saj drejt BE që kjo reformë e rëndësishme të përmbyllet pa vonesa të mëtejshme, në përputhje me konkluzionet e marsit të Këshillit Europian”, thuhet në mesazhin e diplomatit.
Nga ana tjetër në lidhje me këtë ka reaguar dhe kryeopozitari Lulzim Basha i cili shprehet se ka falenderuar atë për kontributin në reform dhe se vullneti politik është vendimtar si për ta përfunduar reformën.
“Bisedë shumë e frytshme me Komisionerin për Zgjerimin, Oliver Varhelyi. E falënderova për mbështetjen e tij dhe theksova përpjekjet e Partisë Demokratike për të kontribuar për reformën zgjedhore.
Nënvizova se vullneti politik është vendimtar si për ta përfunduar reformën, edhe për të garantuar zgjedhje demokratike, të lira nga shitblerja e votës dhe nga ndikimi i krimit të organizuar”.,. deklaroi Basha.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
