LIGJET E BIZNESIT
Kryeministri Edi Rama ka lëshuar përpara pak minutash një ultimatum të fortë për të gjithë punëdhënësit.
Ai u drejtohet atyre me një paralajmërim të prerë, ku i thotë se duhet të aplikojnë në mënyrë që punonjësit të përfitojnë pagën e luftës.
Kreu i qeverisë ka paralajmëruar se afati do të jetë deri më 5 qershor, në të kundërt të gjithë punëdhënësit do të ndëshkohen.
REAGIMI I PLOTE I KRYEMINISTRIT EDI RAMA
PARALAJMËRIM PËR DISA PUNËDHËNËS DHE NJOFTIM PËR DISA DHJETRA MIJËRA PUNONJËS
Punëdhënësve:
Administrata Tatimore ka kryer të gjitha verifikimet për mijëra punonjës – më shumë sesa 109 mijë e 664 punonjësit e shpërblyer deri tani me Paketën e Zgjeruar – të cilëve u takon mbështetja e Qeverisë Shqiptare prej 40.000 lekësh!
Ata ende nuk e marrin dot këtë shpërblim, sepse ju nuk keni kryer detyrimin tuaj ligjor e moral për ta, duke mos aplikuar në faqen zyrtare të Tatimeve për shpërblimin e tyre! Kjo është e turpshme, përveçse e dënueshme me ligjin në fuqi.
Keni 1 javë kohë, deri në 5 qershor, të plotësoni online Formularin me të dhënat e individëve përfitues në sipërmarrjet tuaj, në të kundërt penalizimi për mosaplikim për cënimin e hapur të së drejtës së punonjësve tuaj, do të jetë i pashmangshëm!
Punonjësve në fjalë:
Keqardhje për këtë vonesë të krijuar nga punëdhënësit tuaj, e cila është toleruar deri këtu duke u shkruar e rishkruar atyre që ta përmbushin detyrimin, pa vepruar me gjobat përkatëse! Por kjo situatë do të marrë fund brenda datës 5 qershor dhe në rast se tatimpaguesi ku ju jeni/keni qënë të punësuar, nuk do të aplikojë brenda deri në 5 Qershor për ju, pagesa për ndihmën financiare do të kryhet menjëherë në llogarinë tuaj, në mënyrë automatike dhe punëdhënësi përkatës do të ndëshkohet!
❤️ Të gjithë juve që më keni shkruar për këtë hall me punëdhënësin tuaj apo jeni drejtuar me ankesat tuaja të drejta në administratën tatimore, ju lutem edhe pak ditë durim dhe besim të plotë që nuk do të jeni vetëm në këtë situatë absurde, ku ligji dhe Qeveria Juaj ju jep shpërblimin dhe maliqi për të cilin punoni ju’a mohon?
Aktualisht, së bashku me ata që kanë përfituar 3 paga lufte nga Paketa e Parë, janë gjithsej 176 mijë e 628 punonjës të mbështetur financiarisht! Me këtë pjesë ende të pashpërblyer, që do të shtohet menjëherë pas 5 qershorit numri i përgjithshëm i punonjësve të ndihmuar financiarisht nga Qeveria do të shkojë në afro 250 mijë, me emër e mbiemër dhe E GJITHË LISTA E PËRFITUESVE DO TË BËHET PUBLIKE?
UNË THEM ATË QË BËJ DHE BËJ ATË QË THEM dhe ASKUSH, ASNJË, NUK DO TË MBETET PA MARRË ATË QË I TAKON, ME LIGJ E ME ZAKON?
