Në Maqedoninë e Veriut, qeveria ka ndërmarrë një sërë massh lehtësuese në kuadër të izolimit për shkak të pandemisë. Këto masa lehtësuese do të hyjnë në fuqi nga dita e nesërme.
Ndër të tjera, autoritetet në Maqedoninë e Veriut kanë vendosur që prej së enjtes të lejohet hapja e restoranteve, kafeneve si dhe hotelet e kopshtet.
Sipas informacioneve të deritanishme, mësohet se nga data 1 qershor ky shtet do të hapë kufijtë me fqinjët, përfshi edhe Shqipërinë që gjithashtu heq pengesat kufitare më 1 qershor.
Instituti i Shëndetit Publik në Maqedoni ka regjistruar 14 pacientë të rikuperuar në 24 orët e fundit, 16 raste të reja me Covid-19, si dhe tre vdekje.
