Reforma Zgjedhore/ Gjiknuri flet pas tre orësh mbledhje: Ja për çfarë ramë dakord

Mbledhja e Këshillit Politik për Reformën Zgjedhore ditën e sotme ka zgjatur 3 orë e 30 minuta.

Menjëherë pas saj ka folur bashkëkryetari i Komisionit, përfaqësuesi i Partisë Socialiste Damian Gjiknuri duke thënë se kanë rënë dakord për disa pika si: shkurtimi i periudhës zgjedhore, financimi nga qeveria apo shtimi i gjinisë femërore.

‘Mbaroi mbledhja e radhës. Mund të them që ishte e gjatë. Së pari u pranua nga të gjitha palët që periudha zgjedhore të shkurtohet nga 15 prill në 15 maj ose 15 tetor- 15 nëntor. E gjitha kjo per të pranuar një kërkesë të kahershme për shkak të sezonit turistik. Nga ana tjetër ndikohet edhe nga fluksi i emingrantëve që të marrin pjesë në sistemin zgjedhor. Ramë dakord edhe për parimin ekuotës gjinore, që një në tre emra të jetë nga gjinia femërore, të shoqëruar dhe me sanksionet përkatëse.

Nisur nga ky parim duhet të shihet si të eliminohen disa shqetësime. Ramë dakord që të kemi dhe financimin miks, pra financim nga qeveria, dhe pjesa tjetër nga donacionet, por duke e ulur në një raport më të pranueshëm. Qeveria ka marrë përsipër të shtojë vlerën totale që do të jepet për fushatën e ardhshme zgjedhore. Kapitulli i financimit të fushatës ka marrë dakordësim. Vendosëm që mbledhjen e radhës ta kemi pas 2 ditësh, pra të enjten ku do të diskutojmë për disa çështje të tjera. Pra le të themi që ky fillim nisi me sukses’, deklaroi Gjiknuri.