Kryeministri anglez u shërua nga koronavirusi, por kjo është pasoja që i ka mbetur në shëndet

Kryeministri i Britanisë së Madhe Boris Johnson ishte nga politikanët e parë në Europë por edhe në botë që u prek nga koronavirusi.

Po edhe pse tashmë ai është shëruar, mësohet se COVID19 ka lënë pasoja në shëndetin e numrit 1 të qeverisë britanike.

Së fundmi ai është ankuar se ka pasur probleme shëndetësore që lidhen me sytë.

Për më tepër, këshilltari i lartë i tij, Dominic Cummings, ka thënë se arsyeja pse kishte udhëtuar gati 100 kilometra gjatë karantinës ishte për t’i testuar sytë, shkruan “BBC”.

A mund të themi që koronavirusi ndikon në shikimin e personave të prekur?

Kjo simptomë është shfaqur rrallë por ekspertët nuk e përjashtojnë si mundësi.

Kjo ndodh sepse infeksione të ngjashme mund të shkaktojnë konjuktivitisin viral, që bën që sytë të lotojnë dhe krijon një ndjenjë aspak të këndshme .