Çfarë po ndodh në Tiranë? ‘Shpërthen’ koronavirusi në Call Center, kryeqyteti vatër e nxehtë

Sot ka patur një rritje të ndjeshme të numrit të të prekurve nga COVID19 në Shqipëri.

Në vetëm 24 orët e fundit, janë konfirmuar 25 raste të reja, nga këto 24 janë shënuar në Tiranë dhe një në Durrës.

Sipas të dhënave që komunikoi Ministria e Shëndetësisë në njoftimin e përditshëm zyrtar, mësohet se 15 nga të infektuarit në Tiranë janë punonjës të një Call-Centeri.

Po kështu 15 të prekurit janë kontakte të një rasti pozitiv të identifikuar dy ditë më parë.

” Në 24 orët e fundit kemi sërish shtrime të reja në spitalin infektiv, ku aktualisht po trajtohen 17 pacientë, nga të cilët 3 janë në terapi intensive. Në 24 orët e fundit ka rritje të numrit të të prekurve, të lidhura me kontakte të rasteve të mëparshme pozitive por edhe vatra të reja në Tiranë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Janë testuar 173 qytetarë si të dyshuar të prekur me Covid19 dhe janë konfirmuar 25 raste pozitive. Më konkretisht janë 24 të prekur në Tiranë dhe 1 në Durrës. Ndër rastet e reja janë 15 të prekur në një call-center, kontakte të një rasti pozitiv të identifikuar dy ditë më parë. Po vijon hetimi epidemiologjik edhe për disa raste të reja në Tiranë.”, citohet në njoftimin zyrtar.