Një grup shkencëtarësh nga Universiteti i Oksfordit në Britani kanë filluar punën për të testuar një vaksinë që parandalon infektimin e njerëzve me COVID-19.
Grupi ka parashikuar që testimi i kësaj vaksine pritet të kalojë përmes tri fazave para se të njihet zyrtarisht dhe të mund të përdoret masivisht. Faza e parë ka të bëjë me procesin e imunizimit të trupit të njeriut dhe kjo mbaruar me sukses.
Tani pritet faza e dytë, e cila do të zgjerojë gamën e moshës së pjesëmarrësve që do të injektohen me vaksinën e provës, ku do të përfshihen të vjetrit dhe fëmijët. Faza e tretë do të vlerësojë se si vaksina funksionon tek një numër i madh njerëzish mbi moshën 18 vjeç.
