LIGJET E BIZNESIT
Departamenti Amerikan i Shtetit ka futur në listën e zezë një zyrtare shqiptare.
Duke iu referuar informacioneve të deritanishme bëhet fjalë për zëvendës ministren e Arsimit, Lorena Haxhiu. Kësaj të fundit i është ndaluar hyrja në Shtetet e Bashkuara të Amerikës bashkë me familjen e saj.
Shkak i këtij vendimi ka gjasa të jetë pjesëmarrja e të atiti në grupin kriminal të cilët trafikonin qeniet njerëzore nga Shqipëria për në SHBA, Britani të Madhe dhe Kanada.
Ndërkaq Eduart Haxhiu, babai i zv.ministres është një nga 24 të arrestuarit të cilët akuzohen se falsifikonin dokumenta dhe i dërgonin njerëzit me autobusë të agjencive turistike, kryesisht në Itali dhe në Gjermani.
Duke iu referuar të dhënave nga policia bëhet e ditur se nga aeroportet e këtyre vendeve, shtetas të ndryshëm tentonin t’i përdornin dokumentet e falsifikuara me qëllim destinacionin e tyre final SHBA, Kanada, Mbretëri e Bashkuar etj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ndaj 52-vjeçarit Haxhiu me banim në Tiranë, është marrë masa e sigurisë “Arrest në burg”, për veprat penale “Ndihma për kalim të paligjshëm të kufijve” më shumë se njëherë , “Falsifikimi i letërnjoftimeve , pasaportave dhe vizave” , “Grupi i strukturuar kriminal”, “Kryerja nga vepra penale nga organizata kriminale dhe grupi i strukturuar kriminal”.
