Katër ditë pas shembjes së Teatrit Kombëtar, Prokuroria e Posaçme Anti-Korrupsion (SPAK) ka nisur zyrtarisht hetimet.
Mësohet se prokurori që ka në dorë dokumentet është Ervin Kondili.
Ai tashmë ka nisur nga puna dhe ka sekuestruar të gjithë dokumentet nga Bashkia Tiranë për procedurën e ndjekur për shembjen e dy godinave të Teatrit Kombëtar dhe Teatrit Kombëtar Eksperimental “Kujtim Spahivogli”.
Kujtojmë që ky hetim ka nisur pas kallëzimit të bërë nga Aleanca për Mbrojtjen e Teatrit e cila ka dorëzuar dy padi, që janë të bashkuara tashmë.