Lajm i shumëpritur/ Greqia hap sezonin turistik, ja data

Kryeministri grek Kyriakos Mitsotakis ka njoftuar ditën e sotme se më 15 qershor Greqia do të hapë sezonin turistik. Gjithashtu ka shtuar se më 1 korrik do të rifillojnë edhe fluturimet ndërkombëtare.

Deklarata e Mitsotakis:

Periudha e turizmit fillon më 15 qershor. Hotelet sezonale mund të rihapen, dhe fluturimet e drejtpërdrejta ndërkombëtare në destinacionet tona turistike gradualisht do të fillojnë nga 1 korriku.

Zyrat e shtetit në Greqi do të bëjnë teste për koronavirusin në aeroport, po për një kategori të caktuar dhe jo për të gjithë udhëtarët.

Shteti Grek është akoma në përpjekje për t’u rimëkëmbur nga kriza e para 10 vjetëve më parë dhe turizmi është një nga sektorët me të ardhura goxha të larta të ekonomisë, rreth një të pestat e saj.

Greqia ka vendosur, si nje ‘karrem’ për të tërhequr vizitorët, të ulë taksën e transportit 13% nga 24% që është aktualja.

Si pasojë e koronavirusit, Greqia mund të përballet me 13% tkurrje.