Ditën e sotme një skandal është raportuar masivisht nga mediat në Turëi.
Bëhet fjalë për një mashtrim të bërë nga biznesmeni shqiptar Sinan Idrizi, partner i Air Albania.
Sipas medias turke Hurriyet, Idrizi ka mashtruar biznesmenin e njohur turk Adnan Polat.
Rasti konkret, në artikull thuhet se Idrizi i ka marrë paratë Polat me premtimin se do të blinte një kompani nafte.
Por tani më ai nuk ka marrë as paratë dhe as kompaninë.
Biznesmeni turk, i njohur dhe për skuadrën e Gallatasarajit, madje ka depozituar dhe një padi në prokurorinë e Stambollit kundër partnerit të Air Albania.
Gazeta vijon më tej, duke thënë se Polat ishte në Shqipëri për biznes në momentin që është takuar me partnerin e Air Albania, Sinan Idrizi.
Ky i fundit i tha se është një kompani, e quajtur Global Fluids International që po ecën mirë në Shqipëri dhe se mund ta ndihmonte për ta blerë kompaninë.
Biznesmeni shqiptar i mori 3.5 mln dollarë si depozitë.
Por biznesmeni turk ka vendosur të ngrejë një padi, pasi tashmë kjo shumë është zhdukur dhe nuk ka asnjë dijeni se ku mund të jetë.
