“Do fitojmë edhe në Astir”, Veliaj sulmon protestuesit

Vetëm dy ditë pasi njoftoi se do të rikandidoj  për drejtimin e Bashkisë së Tiranës, Veliaj u shpreh se do të fitojë sërish, madje edhe në zonën e “Astirit”, duke i quajtur protesat e banorëve si bullizëm ndaj qytetit.

I ftuar mëngjesin e sotëm në News 24, në emisionin “Koha për t’u zgjuar”. Veliaj foli për takimin e së shtunës në Tiranë, dhe u ndal edhe te banorët e Astiritsipas tij, banorët dhe protestuesit e asaj zonë që është prekur nga projekti i “Unazës së Madhe”, janë përdorur politikisht.

 “Partia Socialiste do të jetë fituese edhe në qendër të Astirit. Tafmaja e 40 vetave që përdoren politikisht është një bullizëm kundër qytetit. Unë i ftoj si News 24 rastësisht që televizioni juaj është pranë banesave sociale. Është më mirë të jetojnë aty, sesa të jetojnë mbi pusetë. Kush nuk e pranon këtë ofertë është te kjo mazhorancë e zhurmshme që po përdoret politikisht. Unaza do bëhet dhe Tirana do vazhdojë do ecë përpara. Dhe unë jam i bindur që do të fitojmë edhe te Astiri.”, u shpreh Veliaj.