Deputetja e opozitës së re Rudina Hajdari ka bërë një deklaratë të fortë.
Nëpërmjet një reagimi, ajo është shprehur se shembja e godinës së Teatrit Kombëtar është arritur me anë të një marrëveshje të fshehte mes qeverisë dhe opozitës jashtë parlamentare.
Ajo ka premtuar se koalicioni i atyre që prishën Teatrin do të përgjigjet shumë shpejt politikisht dhe penalisht.
“Edi Rama dhe Erion Veliaj, sot nuk pyetën aspak për ligjin por u sollën si një bandë. Për këtë ata do dhe duhet të mbajnë përgjegjësi një ditë.
Nga ana tjetër kemi po ashtu edhe korin e atyre që në mënyrë primitive marrin betejat e qytetarëve dhe i bëjnë pis me fytyrat e tyre të ndotura nga korrupsioni dhe pazaret. Nxitojnë të ofrojnë trupat e tyre, sa herë ua kanë shkelur fadromat dhe taknet?
Ishte një godinë me vlerë që duhet ta kishim ruajtur”, tha Hajdari.