Pas zyrës së BE në vendin tonë ka ardhur edhe një tjetër reagim shumë i fortë nga raporteri i Shqipërisë në Komisionin Europian, David Lega.
Ky i fundit në një deklaratë të përbashkët me eurodeputetin gjerman, Gahlel apelon për ndaljen e menjëhershme të prishjes së Teatrit.
Lega e cilëson atë si një veprim të jashtëligjshëm dhe se Komisioni Europian kishte qenë i gatshëm të ofronte ndihmën e tij për rikonstruksionin e godinës.
Reagimi i plotë:
“Shembje e godinës së Teatrit Kombëtar gjatë natës sot. Unë e dënoj veprimin e autoriteteve dhe dhunën policore sot në Tiranë e i bëj thirrje kryeministrit Rama që të ndalë shembjen e paligjshme të Teatrit Kombëtar, të ndalojë dhunën ndaj artistëve e aktivistëve dhe të angazhohet në dialog me të gjithë grupet e interesuara përfshirë Europa Nostra dhe Insitutin e Bankës Evropiane të Investimeve të cilat mbështeten nga Komisioni Evropian dhe janë të gatshme për të ndihmuar. Teatri Kombëtar është renditur si një sit kulturor europian i rrezikuar.
I bëj thirrje kryeministrit Rama që të dëgjojë apelin e Komisioneres së Kulturës Gabriel dhe të ndalojë dëmet e pariparueshme. Sjell në vëmendje të Qeverisë shqiptare 15 kushtet që duhet të plotësojë Shqipëria për të filluar negociatat. Shteti ligjor është primar. “
