Shëmbja e teatrit, Basha: Pa shporrur Ramën nuk ka demokraci

Ka ardhur edhe reagimi i kreut të Partisë Demokratike pas asaj që ndodhi me Teatrin Kombëtar.

Në një postim në rrjetet sociale, Basha thekson se me këtë veprim, kryeministri konfirmoi veten si varrmihësi ekonomik, social dhe kulturor I shqiptarëve.

Në fund Basha shton se nëse nuk largohet Rama nuk do mundet të ketë demokraci në Shqipëri

Reagimi i plotë:

Me shembjen e paligjshme të TK për të pastruar paratë e pista të klientëve të tij, Rama i vuri kazmën themeleve të shoqërisë sonë. Dhuna ndaj qytetarëve dhe gazetarëve është e papranueshme. Aktivistët, artistët, opozitarët e arrestuar duhet të lirohen menjëherë! Rama është varrmihësi i paqes sociale në vend, varrmihësi i ekonomisë së shqiptarëve, hajduti i pronave publike dhe një kriminel ordiner që ka shkelur dhe uzurpuar çdo pushtet. Pa shporrur atë, në këte vend nuk do ketë as ligj, as demokraci, as zhvillim dhe as mirëqenie për njerëzit.