Mbrëmjen e sotme, kryetarja e LSI-së, Monika kryemadhi i është bashkuar për të dytën herë aktorëve dhe aktivistëve të Teatrit Kombëtar. Të gjithë janë në gatishmëri për të ruajtur godinën ndaj vendimit për prishjen e saj.
Ishte kryetari i PD-së, Lulzim Basha, që iu bashkua dy ditë më parë, ndërsa dje në mbrëmje e deri sot paradite ishte Kryemadhi që “e zëvendësoi”.
Nuk dihet nëse kryetarja e LSI ka shkuar me dëshirën e saj për të dytën ditë radhazi te Teatri apo ka pasur një mungesë rakordimi mes aleatëve. Sakaq, mbrëmjen e sotme në disa media kanë qarkulluar sërish lajme se fadromat e IKMT do të shkonin të shembnin godinën e Teatrit.
