Pse u dorëzua tani Joeld Çela? Avokati shpjegon rrethanat

Pas dorëzimit të klientit të tij, avokati i Jaeld Çelës, Petrit Ismailaj ka deklaruar se ai nuk është shmangur hetimit por gjykimit të padrejtë.

Ndërkaq, midis të tjerave Ismailaj u shpreh se Çela ka patur besim te drejtësia, por edhe tek pafajësia e tij. Duke theksuar se kjo është edhe arsyeja pse vendosi të dorëzohet sot.

Pjesë nga deklarata:

Gjendja është normale. Po zbatohet një vendim, i masës së sigurimit. Nuk i është shmangur hetimit por gjykimit të padrejtë. Kemi vendosur të ballafaqohemi edhe me gjykatën. Ne betejën e kemi fituar, është cilësuar i pafajshëm, por shpërdorimi i detyrës është një vepër penale që merret si e mirëqenë dhe mund të abuzohet edhe me këtë term.

Tani është seanca e fundit e gjykimit, ndaj ka dashur të jetë para trupit gjykues. Ne nuk jemi rast i shmangies së hetimit. Vetëdorëzimi edhe në paraburgim e lehtëson. Nuk merret në pyetje, e ka kaluar atë fazë. Ka pasur besim te drejtësia , edhe tek vetja.