Inspektorati Shtetëror Shëndetësor pas gjobës së majme ndaj gazetares Sonila Meço, tashmë kërkon mbylljen e sinjalit të televizionit RTV Ora.
LAjmi bëhet i ditur nga vetë televizioni ndërsa arsyet nuk bëhen ende të ditura.
Ndërkaq, mbyllja e sinjalit të transmetimit vjen pas dy gjobave, prej 1 milion lekësh secila, për dy emisione në këtë ekran për shkak të shkeljes së masave anti-Covid-19.
Veprimet e fundit, nga ky televizion janë interpretuar si tentativë për të goditur fjalën e lirë.
“Mbyllja e televizionit ka ndodhur sepse janë lejuar njerëzit të flasin në studio. Kjo është e qëllimshme. Është bërë inspektimi vetëm me një foto, nuk kanë ardhur në televizion inspektorë. Nuk mund ti mbyllësh gojën se do të flasë. Nuk po mbyll biznesin por po mbyll fjalën e lirë. Kemi qenë të ndershëm përballë shikuesve dhe beteja do të vazhdojë thekson drejtori i informacionit te RTV Ora, Brahim Shima.
