Në qytetin e Durrësit ka pasur një rritje të ndjeshme të numrit të rasteve të reja me Covid-19.
Bëhet fjalë për punonjëset e fasonerisë, të cilave iu mor tamponi një ditë më parë, pasi u identifikua një grua 41-vjeçare pozitive që punonte në këtë fasoneri.
Në këtë fabrikë janë marrë 27 tampone dhe 7 prej tyre kanë rezultuar pozitive, duke e bërë kështu Durrësin një zonë me rrezik shumë të lartë.
Së bashku me dy rastet aktive të raportuara më herët, 71-vjeçari dhe 41-vjeçarja, të dy banorë të Plazhit, por pa lidhje midis tyre, numri i rasteve aktive në Durrës shkon kështu në 9.
