Zbulohet plani surprizë, si ka vendosur ta mbrojë opozita Teatrin (DETAJET)

Mbrojtja e godinës së Teatrit Kombëtar nga shembja që ka vendosur t’i bëjë qeveria dhe bashkia është kauza më e fortë për opozitën këtë vit.

Pas dy muajve me aksion të qetë opozitar dhe 2 muajve të tjerë nën regjimin e pandemisë,  ky muaj duket se do të kthejë opozitën sërish agresive në terren.

Nga opozita mësohet se do të investohet çdo burim dhe mundësi i të gjitha partive për të mos e lejuar shembjen e Teatrit.

Në funksion të këtij qëllimi mbrëmë me artistët te teatri ka qendruar vetë kreu i PD, Lulzim Basha.

Por strategjia e opozitës është akoma dhe më e detajuar, pasi mësohet që mbrëmjen e sotme do të jetë radha e Monika Kryemadhit për të kaluar natën te teatri, si një mënyrë për të parandaluar mësyrjen e mjeteve për të shembur godinën.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kjo lloj strategjie do të vazhdojë në netët e ardhshme edhe me krerët e tjerë të partive opozitare.