Moti në dy ditët e fundit ka qenë shumë i çuditshëm pothuajse në gjithë territorin e Shqipërisë.
Që prej mbrëmjes së të enjtes në Tiranë ka filluar një erë e pazakontë në formë stuhie duke ngritur në ajër dhe grimca rëre dhe dheut.
Por jo vetëm era, pasi edhe temperaturat janë të larta dhe të pazakonta për muajin maj, ku ditën e sotme arrijnë deri në 34 gradë në vlerat maksimale.
Sipas meteoal, moti do të vijojë të jetë me vranësira në të gjithë territorin shqiptar, ndërsa temperaturat e larta dhe era do të na shoqërojnë gjatë gjithë ditës.
Era do fryjë mesatare me shpejtësi deri 40 km/h nga drejtimi Jugor duke krijuar brigjet detare dallgëzim 4 ballë.
Rajoni dhe Europa
Vijon ndikimi i masave ajrore të paqëndrueshme të diktojë vranësira, rrebeshe shiu dhe ministuhi ere në gadishullin Iberik. Ndërsa kthjellimet mbizotërojnë në pjesën tjetër të kontinentit europian.
