Policia zbardh detaje të reja nga mbytja e 8-vjeçarit: Rrëshqiti aksidentalisht

Policia e Shtetit ka dalë në njoftim zyrtar në lidhje me ngjarjen e rëndë që ndodhi mesditën e sotme në Korçë, ku një fëmijë 8-vjeçar u gjet i mbytur në “Parkun Japonez”. Sipas verifikimeve të kryera, fëmija ka rrëshqitur aksidentalisht në rezervuar.

Ndërkaq, para morgut të qytetit janë mbledhur familjarët e vogëlushit, qe kanë shpërthyer në ulërima dhimbjeje në momentin që kanë mësuar se trupi i pajetë i përkiste fëmijës së tyre.

Njoftimi i Policisë së Shtetit:

Në vijim të informacionit të mësipërm, u bë identifikimi i viktimës i cili është shtetasi S. Ç., 8 vjeç, banues në Korçë. Nga veprimet e kryera rezulton se, fëmija aksidentalisht ka rrëshkitur në rezervuar dhe për pasojë është mbytur
Më datë 14.05.2020, rreth orës 16:05, në lagjen nr.3, në një rezervuar tek “Parku Japonez”, dyshohet të jetë mbytur një fëmijë rreth 8 vjeç (i seksit mashkull) ende i paidentifikuar.