Vetëm katër ditë na ndajnë nga rikthimi i maturantëve në bankat e shkollës. Përmes një postimi në rrjetin social Facebook, ministrja e Arsimit Besa Shahini, ka publikuar masat që po merren në gjimnaze për rikthimin e maturantëve ditën e hënë.
Shahini ka bërë të ditur se në shkolla do të ndiqet një protokoll strik për hyrjet dhe daljet. Ndërsa thekson se janë vendosur postera dhe sinjale orientuese për maturantët.
“Vijon puna përgatitore në shkolla për masat që sigurojnë distancimin fizik mes nxënësve. Gjatë gjithë këtyre ditëve janë vendosur postera dhe sinjale të tjera orientuese, si dhe është kryer dezinfektimi i shkollave për të qenë gati të mirëpresim maturantët më datë 18 maj”, shkruan Shahini në Facebook.
