LIGJET E BIZNESIT
Përfaqësuesi i Partisë Socialiste, Damian Gjiknuri në tryezën e Këshillit Politik për hartimin e Reformës Zgjedhore u shpreh se mbledhja e sotme është karakterizuar nga diskutime dhe debate të forta mes përfaqësuesve të partive.
I ftuar në “Ilva Now” Gjiknuri tregoi detaje rreth revoltimit që pati deputetja Rudina Hajdari, e cila tha se partitë e mëdha nuk e duan ndryshimin e sistemit zgjedhor, menjëherë sapo doli nga mbledhja. Ndërkohë, Gjiknuri tha se Hajdari s’ka pse të mërzitet sepse çështja e ndryshimit të sistemit që ajo kërkon është ende në tyrezën e negociatave.
“Nuk me duk e mërzitur kur ishte brenda, nuk i kam ndjekur deklaratat e znj. Hajdari por aty u zhvillua një debat normal, në frymën që diskutohet, ku ka edhe tensione dhe mbledhja e sotme ishte me tensione të larta, është një proces që kërkon durim dhe qetësi dhe jam i bindur se me kalimin e kohës edhe zonja Hajdari do të fitojë këtë qetësi. Ne duhet të jemi të parët të qetë dhe nuk duhet të nxisim me deklarata që nesër bëhet më vështirë për të arritur marrëveshjen.
Unë nuk e di pse u bënë ato deklarata se kjo derë u mbyll, pasi çështja e sistemit është në tavolinën e negociatave. Ne në deklaratën dhe planin e punës, kemi thënë se çështjet të cilat kërkojnë ndryshim kushtetute mund të marrin më shumë kohë, dhe pikërisht këtë vendosëm sot. Sistemi është çështje e rëndësishme”,u shpreh Damian Gjiknuri.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
