Pandemia e COVID19 tashmë prej pesë muajsh është kthyer në kryefjalë për botën dhe nga temat më të diskutuara gjerësisht ndër njerëzit.
Edhe politika së bashku me njerëzit e njohur të fushave të tjera padyshim është e përfshirë, duke mos bërë përjashtim.
Një deklaratë e fortë ka ardhur së fundmi nga miliarderi amerikan, themeluesi i Microsoft, Bill Gates.
Sipas asaj që raporton “Business Insider” , ai është shprehur se e ka paralajmëruar presidentin e SHBA Donald Trump në dhjetor të vitit 2016, në lidhje me kërcënimin që i vinte shtetit nga pandemitë.
Gjatë një takimi mes të dyve që është zhvilluar në ‘Trump Tower’ me të zgjedhurin të propozuarit e atëhershëm për president, Gates diskutoi mbi rreziqet e sëmundjeve infektive dhe i kërkoi Trump që të përgatiste vendin – këshilla që ai personalisht u dha kandidatëve të tjerë presidencialë të vitit 2016, gjithashtu, sipas ‘Wall Street Journal’.
Fushata e Gates për më shumë investime në shëndetin publik nuk ishte e re as për atë pikë. Në një bisedë për TED në 2015, Gates tha që viruset paraqesin “rrezikun më të madh të katastrofës globale” në raport me kërcënimet e tjera.
“Nëse ndonjë gjë vret mbi 10 milion njerëz gjatë dekadave të ardhshme, ka shumë të ngjarë të jetë një virus shumë infektues sesa një luftë. Jo raketa, por mikrobe”, tha Gates në bisedë, duke shtuar se “vendet kanë shpenzuar sasi masive të parave mbi shmangien e luftës bërthamore por asgjë për “sistemet për të ndaluar epidemitë”.
Gates i tha The ‘Wall Street Journal’: “Unë dëshiroj që të kisha bërë më shumë për t’i kushtuar vëmendje rrezikut”. Gates, ka angazhuar më shumë se 300 milion dollarë fonde për të ardhur në ndihmë gjatë pandemisë së Covid-19, ndërkohë që nuk kanë munguar as akuzat se ai po mund të përdorë vaksinat për të pasur nën kontroll qeniet njerëzore.
Por duket se Bill Gates nuk ka qenë i vetmi në Shtetet e Bashkuara të Amerikës që ndjente një lloj frike për këto lloj epidemish apo sëmundje efektive.
Më parë edhe zyrtarë të tjerë të shëndetit publik, komuniteti i inteligjencës amerikane dhe zyrtarët që janë larguar nga administrata e ish-presidentit Barack Obama, të gjithë janë munduar që ti kushtojnë një lloj vëmendje këtij kërcënimi që mund ti vinte njerëzimit dhe botës nga momenti në moment.
Dhe ja që profecia e tyre doli, pasi në dhjetor të 2019, një rrezik i ri ju shfaq botës, mbante emrin e COVID19.
