Skandal në diplomaci/ Krahasoi Merkelin me Hitlerin, shkarkohet nga detyra ambasadori

Një skandal i vërtetë mund të quhet ai që ka ndodhur së fundmi në diplomacinë botërore.

Mësohet se ambasadori i Maltës në Finlandë, Michael Zammit Tabona është shkarkuar nga detyra pas një postimi në rrjetet sociale.

Ai ka krahasuar kancelaren gjermane Angela Merkel me diktatorin më të egër, liderin nazist Adolf Hitler.

“75 vjet më parë ne ndalëm Hitlerin. Kush do ta ndalojë Angela Merkelin? Ajo ka realizuar ëndrrën e Hitlerit për të kontrolluar Europën”, shkroi ai, pikërisht në ditën e Europës.

Menjëherë pas kësaj ministri i jashtëm i Maltës Evarist Bartolo ka deklaruar se pas asaj që ka thënë ambasadori, ai është shkarkuar nga detyra.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas Bartolos, ky është një krahasim i ekzagjeruar që nuk gjen vend askund.

Ai shtoi se kjo deklaratë nuk përfaqëson qëndrimin e shtetit të Maltës.