Një ngjarje e rëndë ka ndodhur ditën e sotme në Greqi.
Mësohet se një 20-vjeçar shqiptar ka ndërruar jetë si pasojë e një aksidenti në punë.
Ngjarja u shënua në Fthiotida të Lamias.
Traktori me të cilin ai punonte është përmbysur dhe për rrjedhojë i riu nga Shqipëria ka ndërruar jetë.
Mediat greke shkruajnë se i riu me origjinë shqiptare kishte marrë traktorin dhe po shkonte të punonte në një pronë me ullinj. Në rrethana të paqarta, traktori është përmbysur në anë të rrugës dhe ka zënë përsipër edhe djaloshin.
Ndërkohë vijojnë hetimet për zbardhjen e plotë të ngjarjes tragjike.
