Një superaksion nga policia italiane në Montesilvano (Pescara) ka vënë në pranga dy shqiptarë.
Atyre u është sekuestruar lëndë narkotike e llojit heroinë dhe kokainë me një vlerë totale që shkon 2 milionë euro.
Kanë qenë shpërndarësit e drogës ata që kanë gabuar, fakt ky që i ka dërguar të dy trafikantët shqiptarë menjëherë në prangat e policisë.
Ndërkohë sipas autoriteteve italiane 2 shqiptarët e arrestuar janë: Alfred Tusha, 29 vjeç dhe Leonard Spahiu 44 vjeç.
Atyre iu gjetën 34 kg kokainë e heroinë, të ndarë në gjithsej 3 pjesë.
Nëse droga do të shitej në treg, do të kapte vlerën e 2 milionë eurove.
Por si ra policia në gjurmët e tyre?
Karabinierët kishin identifikuar një shpërndarës droge, ndërsa gjurmët e tij kanë çuar deri tek dy shqiptarët e arrestuar tashmë. Gjatë gjurmimit të shpërndarësit të lëndës narkotike, policia italiane vërejti se ai takohej me dy shqiptarët.
Pasi kanë biseduar, ata janë nisur në një apartament në Montesilvano në Peskara. Policia ndërhyri sapo prej banese ka dalë një prej trafikantëve të dyshuar. Ata gjetën në trupin e tij një pako heroinë.
Më pas, pasi kanë bërë kontrollin e nevojshëm, karabinierët kanë arritur të sekuestrojnë dhe drogën tjetër të fshehur në të.
