Së fundmi, pas përhapjes së pandemisë së COVID19 në mbarë botën, maska u bë një element i pandashëm në përditshmërinë e gjithësecilit prej nesh.
Madje shumë shtete, mes tyre dhe Gjermania, e kanë vendosur edhe si detyrim për ta mbajtur, ndryshe mund të gjobitesh.
Por shumë veta pyesin nëse ajo është funksionale dhe arrin të të mbrojë plotësisht nga virusi.
Ndërkohë një farmacist italian ka shpjeguar një mënyrë shumë të thjeshtë se si të kuptoni nëse maska juaj është efektive.
Ai e ilustron me një video, ku merr një çakmak të ndezur dhe fryn mbi të përmes maskës.
Në rast se flaka nuk shuhet, do të thotë që sipas tij maska e kryen qëllimin që të të mbrojë, pasi nuk shpërndan spërklat.
Ndërsa nëse shuhet, atëherë spërklat shpërndahen dhe maska nuk është funksionale.
“Bëjeni provë me maskën që keni në shtëpi.
Fryjini flakës.
Nëse flaka nuk shuhet atëherë funksionon, nëse shuhet atëhere hidheni, se nuk ju duhet.
Ky është këndvështrimi im”, shprehet ai në fund të videos.
