U dhunua në protestë, aktivistja: Kam djegie të brendshme, shpresoj mos jetë hemoragji

Ditën e sotme, aktivistja Ira Kurti u dhunua dhe u tërhoq zvarrë nga forcat e Policisë gjatë protestës në sheshin “Skënderbej”.

Përmes një video-mesazhi në rrjetin social Facebook, Kurti ka treguar mes lotësh përjetimet. Ajo shprehet se nuk ka marrë trajtimin e duhur në Spitalin Ushtarak të Tiranës.

“Të dashuar miq, shokë, familjarë dhe bashkëatdhetarë. Ju faleminderit shumë për mesazhet. Sapo kam dalë nga Spitali Ushtarak ku më bënë vizitën, po s’më kanë matur as temperaturën, kam një djegie të brendshme, ishalla nuk është hemoragji.

 Kam një dhimbje koke shumë të madhe. Doktorët atje nuk kishin të gjitha mjetet për të më fashuar dorën e dëmtuar dhe më dhanë receta, pomada. Inshallah me kaq. Këtu mbaroi. Ju faleminderit shumë. Kam një shoqe që më ka ndihmuar t’u kthej përgjigje se mua nuk më shohin as sytë nga dhimbja e kokës. Mos u shqetësoni, faleminderit. ” thotë Ina Kurti.