Rudina Magjistari, është një nga të paktat moderator e cila nuk ka braktisur studion për shkak të izolimit.
Ndërkaq, pasditen e djeshme, në emisionin e saj ishte i ftuar deputeti i Partisë Socialise Ervin Bushati. Ky i fundit, prezantoi familjen tij por edhe me pasionin e tij për kopshtarinë. Gjatë bisedës, deputeti u shpreh se bashkë me moderatoren Rudina Magjistari, kanë studiuar të dy në gjimnazin “Qemal Stafa”.
“Ke qenë një vajzë simbol dhe vazhdon e je vajza simbol e “Qemal Stafës”. Po kemi qenë o me një vit, o me dy vite diferencë bashkë, kështu që të mbaj mend shumë mirë. Rudina, ti mbahesh mend dhe ke për t’u mbajtur mend gjithmonë”, u shpreh ai.
E menjëhershme ishte edhe përgjigjia e Rudinës, e cila tha se nuk e mbante mend që e ka patur në gjimnaz deputetin.
“Ua, ky detaj më paska shpëtuar dhe më vjen shumë inat. Ndoshta duhet t’u rikthehem fotove të Gjimnazit, se aty duhet të jemi diku. Detaj i bukur ky, më pëlqen. Ervin është hera e parë që komunikojmë sëbashku se ndoshta do ta kisha mësuar më herët këtë detaj”, u përgjigj ajo.
