Gjetja e vaksinës, por edhe e një kure efikase kundër komplikacioneve që shkaktor COVID-19 është bërë një betejë botërore, ku janë përfshirë mjekët dhe shkencëtarët më të mirë të planetit.
Por, mjeku popullor Ruzhdi Metali tregoi mbrëmë se ai e ka gjetur kurën kundër këtij virusi, madje duke dhënë prova se e ka testuar te familjarët e tij, ku pretendoi se ka dhënë efekt pozitiv.
Në lidhje direkte me emisionin ‘Zonë e Lirë’, Metali ka thënë se ka prova dhe garanci që ka shëruar nga koronavirusi familjen nga Shkodra me ilacin popullor që ai ka shpikur, edhe pse formulën nuk e tregoi.
“Unë kam shëruar një familje në Shkodër nga koronavirusi. Ti bëj foto tamponit dhe t’ua nis. Unë e kam me garanci. E kam me dokumenta. Ishin me koronavirus, me temperaturë. I shërova unë. Tamponi nuk është kot, koronavirusi nuk del dot në laboratore, del me tampon. E kam me garanci, me dokumenta. Në tampon ishin me koronavirus, shkova në Shkodër, i shërova unë me këto ilaçet që kam”, tha Ruzhdi Metali.
