Kryeministri Edi Rama ka folur së fundmi në lidhje me situatën e krijuar nga koronavirusi në Shqipëri.
Por një pyetje e ka gjetur atë të papërgatitur.
Ka qenë gazetari Enkel Demi, i cili e ka pyetur kryeministrin se përse një grup mjekësh që u kthye nga Italia është vetëkarantinuar në shtëpi, kurse të riatdhesuarit karantinohen nëpër hotele.
Por , duket se kreun e qeverisë e ka gjetur të papërgatitur kjo pyetje.
“Më gjeni të papërgatitur për këtë pyetje. Nuk kam asnjë dijeni për këtë, por di vetëm që mjekët janë testuar”-tha Rama në një lidhje direkte në Abc News.
Më pas Rama u pyet edhe në lidhje me tanket e nxjerra në rrugë: Nxirrni blinda dhe tanke se kështu vritet virusi?
Por, kryeministri u shpreh se po bën atë që bëjnë dhe vendet e tjera.
“Ne nuk i nxjerrim për të vrarë virusin, kemi nxjerë të gjitha mjetet që kemi në dispozicion për të ndihmuar popullin në një luftë, ku një pakicë e pabindur mund të krijojë një problem zinxhir për mijëra vetë”, deklaroi Rama.
