Biznesi i konsideron të pamjaftueshme masat e marra deri tani nga qeveria. Sipas tyre, ka shumë burokraci në dhënien e kredive, në kuadër të garancisë sovrane dhe kjo bën që jo të gjithë ta përfitojnë.
Sipërmarrja pret paketën e tretë të qeverisë, me masa për nxitjen e likuiditetit, që është aktualisht problemi kryesor.
“Do duhet të kishte një fleksibilitet total përsa i përket shqyrtimit të dokumentacionit dhe nuk duhet të krijohen probleme karshi atyre bizneseve që kanë nevojë në këtë moment për këtë kredi. Ato mund të ndihmohen edhe për riskedulimin e kredive të mëparshme që kanë pasur, duke analizuar këtë moment të vështirë që kanë. Nëse garancia sovrane do të kishte edhe një shtyrje kohore përsa i përket pagesës, riskedulimi i çdo kësti të ishte nga viti tjetër dhe në vijim, për periudha kohore të gjata, nga 2-6 vjet, ndoshta mund të kishte më tepër përkrahje nga ana e sipërmarrjeve”, tha Ines Muçostepa, kryetare e Bashkimit të Dhomave të Tregtisë.
“Natyrisht, pjesa e burokracisë duhet shmangur totalisht”, shtoi Muçostepa./A2CNN/
