Një deklaratë e fortë ka ardhur së fundmi nga Partia Demokratike.
Është sekretari i përgjithshëm i kësaj force politike Gazmend Bardhi, i cili ka paralajmëruar denoncimin e rradhës për partinë në qeveri.
Sipas Bardhit, ka disa prova se një deputet i PS ka shkelur ligjin dhe duhet të kishte humbur mandatin me kohë, duke pretenduar se ai është pjesë e listës së oligarkëve në vend.
Më pas Bardhi shtoi se shkelja e ligjit është bërë në Shqipëri dhe se çështja është ende në hetim nga ana e ekspertëve të PD-së deri në mbledhjen e plotë të provave.
PJESE NGA BISEDA NE STUDIO
Mirela Milori: Keni denoncime?
Gazmend Bardhi: Kemi në shqyrtim çështjen lidhur me mandatin e një deputetit të PS. Nuk mund të jap më shumë të dhëna sepse s’jemi në shqyrtim. Po nga ato që kemi parë deri tani një deputet duhet të kishte humbur mandatin me kohë.
Mirela Milori: Për mandatin e dekriminalizimit…?
Gazmend Bardhi: Për shkelje të ligjit. Është një nga oligarkët që ka Edi Rama në parlament. Ju e dini tre kategori në grupin e PS; një pjesë shumë të mirë, kriminelë dhe të fortë që I marrin votat me 339 dhe 184, ka dhe një oligarkë që përdoren për të sjellë mbrapsht paratë e keqqeverisjes. Ky është tek kategoria e tretë.
Mirela Milori: Keni prova?
Gazmend Bardhi: Kemi disa prova por jemi duke bërë edhe mbledhje të disa të dhënave të tjera.
Mirela Milori: Shkelja në Shqipëri?
Gazmend Bardhi: Shkelja është bërë në Shqipëri. Kam disa prova, jam duke pritur disa prova të tjera për të konkluduar një qëndrim zyrtar që do ta bëjmë publik shumë shpejt.
