Pas afro 9 javësh në zbrazëti totale, rrugët dhe sheshet në Itali janë populluar nga njerëzit.
Sjellim në vëmendje, që Italia deri më tani ka pasur periudhën më të gjatë të izolimit në Europë, dhe tashmë me vazhdimin e përmirësimit të situatës, vendi është future në “fazën dy” të menaxhimit të krizës.
Rrugë të zbrazura, korridore të boshatisur në Venecia ishin simboli i Krizës në Europë. Ndërsa, sheshi i Shën Markut u mbush plot me njerëz.
Transporti publik u frekuentua sërish me njerëz në Milano. Ndërsa, më shumë se 4 milion persona pritet që të kthehen në punë në fabrika dhe kantiere ndërtimi.
Gjithashtu edhe persona të tjerë, mund të kryejnë aktivitete fizike në parqe, por edhe të vizitojnë të afërmit e tyre pas disa javësh.
