“Do të duhen vite për zhvillimin e vaksinës” Ministri gjerman jep lajmin e hidhur për të gjithë botën

Një lajm i hidhur vjen së fundmi për të gjithë personat që prisnin shpikjen e vaksinës që do luftojë COVID19.

Ministri Federal i Shëndetësisë në Gjermani, Jens Spahn ka bërë një deklaratë ku ka zvogëluar shpresat se kjo vaksinë do të mund të dalë në një të ardhme të afërt.

Sipas tij ky kërkim mund të zgjasë me vite.

Spahn u shpreh se sot kjo është sfida më e madhe që ekziston në mjekësi.

“Që të tregohemi realist, mund të duhen vite për zhvillimin e një vaksine kundër koronavirusit, për shkak të pengesave që mund të ketë, siç kemi parë me vaksinat e tjera”, tha ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Të hënën pritet mbledhja e një konference ndërkombëtare të donatorëve, në të cilët do të mblidhen të paktën 7.5 miliard euro që do të përdoren për zhvillimin e vaksinës kundër virusit. Kancelarja Angela Merkel premtoi një “kontribut të rëndësishëm financiar” nga Gjermania gjatë fundjavës. Ministri gjerman tha ndër të tjerë se masat kufizuese do të lehtësoheshin gradualisht.