Kruja ende vatër e nxehtë e COVID-19, 4 raste të reja pozitive në 24 orë

Vijon të mbetet shumë aktive vatra e virusit COVID-19 në qytetin e Krujës.
Mësohet se në 24 orët e fundit janë identifikuar 4 raste të reja pozitive me këtë virus, nga 36 teste që janë kryer.

Të katërta këto raste janë kontakte të punonjëseve të fasonëve, nga ku fillimisht u përhap infeksioni në kë qytet.

Me këto 4 rastet e reja, në Krujë shkon në 111 numri total i të prekurve nga koronavirusi i ri, COVID-19, duke e bërë këtë qytet më të goditurin, pas Tiranës dhe Shkodrës.