Aksident i trefishtë në fshatin Gjashtë në Sarandë

Pasditen e sotme, në fshatin Gjashtë të Sarandës, ka ndodhur një aksident i trefishtë. Duke iu referuar informacioneve paraprake, mësohet se tre automjetet janë përplasur me njëra-tjetrën por fatmirësisht nuk ka asnjë person të lënduar, vetëm dëme materiale.

Ndërkaq, burime nga policia bëjnë të ditur se një prej automjeteve është përplasur me një tjetër i cili ishte i parkuar në një nga korsitë e rrugës.

Ndërkohë policia ndodhet në vendngjarje dhe po punon për të zbardhur shkakun e plotë të aksidentit.