Aksident i rëndë në Borsh/ Makina bie në kanal, humb jetën 17 vjeçarja

Një aksident automobilistik i ka kushtuar jetën një 17 vjeçare. Ngjarja e rëndë ka ndodhur në vendin e quajtur mbi Shkallë, në Borsh. Sipas të dhënave nga policia bëhet fjalë për një aksident, ku ka humbur jetën një 17-vjeçare, e identifikur si Analuiza Duro.

Nga të dhënat paraprake mësohet se vajza e re ishte pasagjere në mjetin që drejtohej nga shtetasi R.Dh., 19 vjeç. Makina tip “Audi” ka humbur kontrollin duke rënë në një kanal kullues në plazhin e Borshit.

Polica e Sarandës ka nisur hetimet për ngjarjen për zbardhjen e plotë të shkakut të aksidentit, ndërsa ka shoqëruar në Komisariatin e Policisë së  Sarandës te riun që drejtonte mjetin për veprimet e mëtejshme proceduarale.