Ekzekutuan 4 persona brenda 2 muajsh në Durrës, kush është anëtari i bandës që u rrëfye

Policia bëri me dije mëngjesin e kësaj të premte se kishte bërë të mundur zbulimin dhe arrestimin e dy anëtarëve të një bande në Durrës që në 2 muajt e fundit ka kryer 4 vrasje mafioze.

Ngjarja më e fundit ishte vrasja e dy vëllezërve Haxhia, për të cilët uniformat blu dyshojnë se janë kryer nga shtetasi Altin Doci dhe nga 22- vjeçari K.A.

Ky i fundit, që ende nuk i është bërë me dije emri ka qenë personi kyç në zbardhjen e kësaj ngjarje, pasi ishte pikërisht ai që i tregoi policisë ngjarjet dhe autorët e tyre.

Siç bën me dije news 24, vetë vëllezërit Haxhia ishin trafikantë droge të brendshëm por që sillnin edhe nga jashtë vendit dhe ishin bashkëpuntorë me Dorjan Shkozën dhe Anxhelo Avdian që u vranë më 2 mars po nga këta persona.