Një superaksion i policisë italiane ka ndodhur gjatë natës, ku janë kapur 2 skafe që po trafikonin drogë nga Ballkani për në Brigjet e Puglias.
Mësohet se antimafia në bashkëpunim me Repartin Operativ të Guardia di Financa ka sekuestruar dy skafet me gjatësi rreth 7 metra e të pajisura me motorr të fuqishëm jashtë bordit janë ndaluar në afërsi të brigjeve të Monopolit. Në to janë sekuestruar 645 kg marijuanë e 250 kg hashash. Në pranga janë vënë 2 skafistë italianë me akuzën e trafikut ndërkombëtar të drogës.
Guardia di Finanza në njoftimin zyrtar nuk e saktëson origjinën por nga ana tjetër “La Gazzetta del Mezzogiorno” në edicionin opnline raporton se droga vinte nga Shqipëria.
Sipas autoriteteve ngarkesa me drogë ishte konfeksionuar në 54 pako me peshë nga 2, 5 e 10 kg të pajisura me simbole e ngjyra të ndryshme në varësi të tipit të drogës, vendit të pordhimit e zonës ku do të dorëzohej në Itali.
Vlera e drogës në rast se do të hidhej në treg me doza të vogla, kap shifrën e 10 milionë eurove.
