Si ka mundësi? Befason Albin Kurti: I kam shkruar Ramës, nuk mora kurrë përgjigje

Prej kohësh Tirana zyrtare nuk mban asnjë qëndrim në lidhje me zhvillimet e fundit të politikës në Kosovë.

I pyetur në lidhje me këtë gjë, kryeministri Albin Kurti është shprehur se nuk mund të komentojë përpara se Tirana të thyejë heshtjen.

“Nuk kanë heshtur të gjithë. A nuk duhej të pyesni ata pse kanë heshtur? Thyeja njëherë atyre heshtjen dhe pastaj po flas për atë që ata thonë.  Le të flasin njëherë ata, jemi dy shtete të një kombi apo jo?”, deklaroi Kurti gjatë një interviste në emisionin ‘Ilva Noë’, në “EuroNeës Albania”.

Ai deklaroi se në një letër dërguar homologut të  tij Edi Rama ku ka kërkuar që të mbahet një takim në kohën e pandemisë, por nuk ka marrë asnjë përgjigje.

Lideri i VV-së tha se për këtë takim i ka shkruar vetëm Rama dhe asnjë zyrtari tjetër madje për një takim të mundshëm kishte vënë në dijeni dhe Kryetaren e Kuvendit në Kosovë, Vjosa Osmani si dhe Presidentin Hashim Thaçi.

“Gjatë pandemisë ministritë e Shëndetësisë kanë komunikuar dhe kanë shkëmbyer përvoja dhe materiale. Diku nga mesi i muajit mars i kam shkruar kryeministrit Rama dhe i kam thënë që duke qenë se nuk po mund ta bëjmë dot takimin e dy qeverive, i kam thënë që të mbajmë një takim Rama-Meta-Ruçi dhe unë, Osmani dhe Thaçi. Për të diskutuar për pandeminë, por nuk mora përgjigje asnjëherë për këtë gjë”, tha Kurti.