Mbrëmjen e djeshme shefja e Epidemiologjisë në ISHP Eugena Tomini ka folur në lidhje me situatën nga COVID19 në Shqipëri.
Sipas saj “bishti” i pandemisë, që është pothuajse fundi mund të arrihet në javën e dytë të qershorit.
Por kjo, shton Tomini, nuk do të thotë zhdukje e virusit.
“Duke komentuar një studim të Universitetit të Singaporit që fliste për efektin e pandemisë, Tomini tha se: “Në disa elemente bashkohem për shkak të zhvendosjes së kurbës epidemike, pra është paraqitur e butë e dhëmbësuar deri diku nga java e 7 dhe e 8 e pandemisë që tregon se nuk ka karakter shpërthyes.
Masat mund të zgjasin edhe kohën e largimit të virusit..pesha e masave të marra ndikoi në shfaqjen e butë të pandemisë, vetë karantinimi i gjithë Shqipërisë bëri që të shkëpusim zinxhirin e transmetimit. Mendoj që java e dytë e qershorit sipas parashikimeve do kemi një bisht të pandemisë, por jo zhdukje”, u shpreh Tomini për programin “Real Story”.
