LIGJET E BIZNESIT
Turizmi ka gjeneruar një vlerë të konsiderueshme në ekonominë e vendit. Të dhënat e fundit të Bankës së Shqipërisë flasin për një bilanc pozitiv prej 957 milionë euro vetëm për 6 muajt e parë të vitit. Një shifër që del si diferencë e të ardhurave që turistët e huaj kanë shpenzuar në vend me paratë që shqiprarët kanë harxhuar jashtë.
Sipas statistikave të BSH-së, në 6 mujorin e parë të vitit 2026, shpenzimet e të huajve arritën në total, në 2.38 miliardë euro. Kjo është shifra më e lartë e regjistruar ndonjëherë pas viteve ’90 për 6 mujorin e parë. Shpenzimet e të huajve për udhëtime janë rritur me 13.4% në krahasim me të njëjtën periudhë të një viti më parë. Janë rreth 5.1 milionë shtetas të huaj që kanë hyrë në Shqipëri në 6-mujorin e parë të këtij viti, me një rritje prej 6.2%, në krahasim me të njëjtën periudhë të një viti më parë.
Ndërkaq në rritje kanë qenë edhe shpenzimet e shqiptarëve jashtë. Kjo nxitur edhe nga shtimi i linjave direkte me kosto të ulët nga aeroporti Nënë Tereza.
Sipas të dhënave të Bankës së Shqipërisë, për gjashtë muajt e parë të vitit shpenzimet e shqiptarëve për udhëtimet jashtë ishin 1.4 miliardë euro, me një rritje prej 9.5 % në krahasim me të njëjtën periudhë të një viti më parë.
Sipas të dhënave të INSTAT, në gjashtë muajt e parë të vitit u shënuan gati 4.2 milionë dalje të shtetasve shqiptarë, me një rritje prej 5.1% në krahasim me të njëjtën periudhë të një viti më parë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Këto dinamika në tërësi kanë bërë që më shumë para të mbeten në vend. Sipas përllogaritjeve, turizmi ka rezultuar për pjesën e parë të këtij viti me një fitim prej 957 milionë euro.
