LIGJET E BIZNESIT
Shqiptarët po shpenzojnë më shumë për të jetuar. Të dhënat e fundit të Institutit të Statistikave tregojnë se në korrik, inflacioni që është treguesi që mat koston e jetesës në vend arriti në 3.4% nga 2.5% që ishte në të njëjtën periudhë të një viti më parë. Ndërsa kundrejt qershorit të këtij viti, çmimet e konsumit u rritën me 0.2 për qind. Ky është niveli më i lartë i inflacionit që prej janarit 2024. Aktualisht, inflacioni ndodhet mbi objektivin prej 3% të vendosur nga Banka e Shqipërisë.
Grupet që ndikuan në rritjen e inflacionit
Të dhënat tregojnë se në shtrenjtimin e kostos së jetesës më vend kanë ndikuar kryesisht ushqimet dhe nafta. Sipas INSTAT-it, grupi “Ushqime dhe pije joalkoolike” u rrit me +1,18 pikë përqindje, pasuar nga grupi “Qira, ujë, energji elektrike, gaz dhe karburante të tjera” me +0,83 pikë përqindje. Gjithashtu, çmimet e grupit “Transporti” ndikuan me +0,52 pikë përqindje, çmimet e grupit “Mobilje, pajisje shtëpie dhe mirëmbajtje e shtëpisë” me 0,23 pikë përqindje, çmimet e grupeve “Pije alkoolike dhe duhan” dhe “Restorante dhe shërbime akomodimi” me + 0,15 pikë përqindje secili, çmimet e grupit “Kujdesi personal dhe mallra e shërbime të ndryshme” me +0,14 pikë përqindje, çmimet e grupit “Argëtim, port dhe kulturë” me +0,12 pikë përqindje, çmimet e grupeve “Shërbimi arsimor” dhe “Sigurime dhe shërbime financiare” me +0,07 pikë përqindje secili dhe çmimet e grupit “Shëndeti” me +0,06 pikë përqindje.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga ana tjetër çmimet e grupit “Veshje dhe këpucë” ndikuan me -0,07 pikë përqindje dhe çmimet e grupit “Informacioni dhe komunikimi” me -0,03 pikë përqindje.
