LIGJET E BIZNESIT
Gati është dyfishuar numri të huajve me leje qëndrimi në Shqipëri. Të dhënat e fundit të Institutit të Statistikave tregojnë se në fund të vitit 2025, numri i të huajve me leje qëndrimi rezultoi 32.163, duke pësuar rritje prej 46,6 %, krahasuar me vitin 2024. Më shumë se gjysma e të huajve me leje qëndrimi kanë ardhur për punë.
“Punësimi është arsyeja kryesore: 55,1 % e lejeve të qëndrimit, ndjekur nga: o bashkimi familjar: 19,8 %; arsye të tjera: 14,1 %; qëllime humanitare: 7,9 %; studimi: 3,1 %”, raporton INSTAT-i.
Sipas statistikave, 65,0 % e të huajve me leje qëndrimi dominohet nga meshkujt, kundrejt 35,0 % femra;. Grup-mosha më e përfaqësuar: 30 – 39 vjeç, e cila përbën 24,5 % të të huajve gjithsej
Evropa zë pjesën më të madhe të të huajve: 52,9 % (17.022 persona), duke shënuar një rritje prej 18,5 %, krahasuar me 2024. Azia ka shënuar rritje të ndjeshme me 117,6 %, krahasuar me 2024 (9.891 persona). Amerika, Afrika dhe Oqeania rritje me 73,4 %, krahasuar me 2024 (5.250 persona).
Numri i aplikimeve për leje qëndrimi në Shqipëri, në vitin 2025 shënoi rritje prej 43,5 %, krahasuar me vitin 2024. Shtetasit nga India dhe Filipine përbëjnë 26,6 % të aplikimeve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
INSTAT-i raporton gjithashu, se në 2025 u identifikuan 1.926 të huaj të parregullt, duke shënuar rritje, krahasuar me 1.540 persona në vitin 2024.
Të huajt në Shqipëri sipas vendit të origjinës
Në vitin 2025, shtetet me numrin më të madh të të huajve me leje qëndrimi në Shqipëri, janë Kosova dhe Italia, të cilat zënë përkatësisht 19,5 % dhe 12,6 % të të huajve gjithsej, ndjekur nga India me 9,0 % dhe Filipinet me 7,5 %. Ndër to, rritja më e madhe e të huajve, krahasuar me vitin 2024, është regjistruar në vendet e origjinës si: Filipinet me 136,1 % dhe India me 87,6 %.
