LIGJET E BIZNESIT
Raporti Global i Ekosistemit të Startup-eve 2026 i StartupBlink rendit Shqipërinë në vendin #75 në botë me +71.1% rritje vjetore. Kërcimi në renditje është i barabartë për më të madhin në Evropë dhe i 3-ti më i madhi në mbarë botën.
Shqipëria është renditur ekosistemi i 4-ët më në rritje i startup-eve në Evropë në Raportin Global të Ekosistemit të Startup-eve 2026, publikuar sot nga StartupBlink, harta më gjithëpërfshirëse globale e ekosistemeve të startup-eve.
Vendi u ngjit tetë vende në renditjen globale, deri në vendin #75 në botë kërcimi më i madh i barabartë mes vendeve evropiane dhe i 3-ti më i madhi në mbarë botën. Shqipëria rikthehet kështu në top 80-shen botërore me +71.1% rritje vjetore të ekosistemit, rritja e 4-ët më e lartë në kontinent.
Rezultati pozicionon Shqipërinë mes vendeve me dinamikën më të fortë inovative në Evropë dhe konfirmon ndikimin e reformave të fundit në sektorin e inovacionit dhe sipërmarrjes.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Sot Shqipëria është një histori e ndryshme nga ajo që ishte një vit më parë. Renditja e 4-ët më në rritje në Evropë është konfirmim ndërkombëtar se strategjia jonë po funksionon: investim publik, reforma të thella, dhe besim te sipërmarrësit tanë. Ekosistemi shqiptar i inovacionit dhe startup-eve po shndërrohet në një motor real të ekonomisë. Po ndërtojmë një Shqipëri ku talentit i ofrohet mundësia, kapitali vjen, dhe inovacioni akseleron rritjen ekonomike”, u shpreh Ministrja e Ekonomisë Delina Ibrahimaj
Konteksti
Përmirësimi vjen pas marrjes së një sërë masave gjatë 2 viteve te fundit si themelimi të Agjencisë Startup Albania si dhe konsolidimin e portofolit te inovacionit nën ministrinë e Ekonomisë dhe Inovacionit. Cikli i fundit i skemës së granteve të agjencisë në vitin 2026 tërhoqi 1,179 aplikantë startup-e dhe 40 nga institucionet mbështetëse të inovacionit me pjesëmarrje rekord prej 40.6% sipërmarrje të udhëhequra nga gra dhe vajza.
Raporti vëren gjithashtu se renditja e Shqipërisë në Indeksin e Mjedisit të Biznesit për Inovatorët (60 nga 125 vende) tregon kushte themelore biznesi më të forta sesa rezultatet aktuale të ekosistemit duke sinjalizuar potencial të mëtejshëm rritjeje në vitet e ardhshme.
Tirana mbetet i vetmi qytet shqiptar i renditur në raport. Zhvillimi i qendrave startup përtej kryeqytetit është identifikuar si prioriteti strukturor kryesor për fazën e ardhshme.
Rreth raportit
Raporti Global i Ekosistemit të Startup-eve 2026 i StartupBlink rendit 1,000 qytete dhe 125 vende sipas forcës së ekosistemit, duke përdorur tregues të sasisë, cilësisë dhe mjedisit të biznesit.
Faqja e plotë e Shqipërisë: www.startupblink.com
Rreth I4A
Innovation4Albania (I4A) është institucioni qendror i qeverisë shqiptare për politikën e inovacionit, mbështetjen e startup-eve dhe fondet e BE-së për inovacionin në varësinë e Ministrinë e Ekonomisë, Kulturës dhe Inovacionit.
