LIGJET E BIZNESIT
Pavarësisht se Shqipëria është një prej shteteve më të rrezikuara në Evropë nga tërmetet dhe katastrofat e tjera, shqiptarët vijojnë të mos marrin asnjë masë për sigurimin e pronës së tyre nga fatkeqësitë natyrore.
Të dhënat më të fundit nga Autoriteti i Mbikëqyrjes Financiare tregojnë se primet e shkruara bruto nga sigurimi prej zjarrit, forcat e natyrës dhe dëmtimet e tjera në pronë, kanë zbritur në 1.1 miliardë lekë në pesëmujorin e parë. Të ardhurat e kompanive të sigurimit nga kjo policë kanë pësuar një rënie me 6.48% në krahasim me të njëjtën periudhë të vitit të kaluar.
Nga ana tjetër, dëmet e paguara për sigurimin nga zjarri, forcat e natyrës dhe dëmtime të tjera në pronë rezultojnë të kenë shënuar edhe një rënie më të madhe. Sipas statistikave zyrtare, kompanitë e sigurimit kanë paguar vetëm 177 milionë lekë dëme në pesë muajt e parë të 2025, rreth 53% më pak se në janar-maj 2024.
Konkretisht, primet e shkruara nga sigurimi prej zjarrit dhe forcave të natyrës rezultojnë në 891 milionë lekë, ndërkohë që të ardhurat prej sigurimit dëmtime të tjera në pronë kanë arritur në 230 milionë lekë.
Referuar raportit vjetor të Xprimm, Shqipëria dhe Mali i Zi janë të fundit në rajon dhe Evropë për sa i takon sigurimit nga zjarri dhe dëmtimeve të tjera që mund t’i ndodhin pronës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas Agjencisë Kombëtare të Mbrojtjes Civile, në 24 orët e fundit janë raportuar 24 vatra zjarri. Ndërkohë, para pak ditësh, në Shqipëri u regjistrua edhe një tërmet 4.4 ballë, i cili u shoqërua me një sërë paslëkundjesh./Tv Scan
