Ekonomia botërore në alarm. Nafta arrin cmimin më të lartë që prej janarit

Ajo që pritej, ndodhi. Përshkallëzimi i konfliktit mes Izraelit, Iranit dhe Shteteve të Bashkuara të Amerikës iu dha një tjetër goditje tregjeve financiare ndërkombëtare. Produkti më i prekur është nafta, ku Irani është një ndër prodhuesit kryesor, së bashku me ngushticën e Homuzit, pikës strategjike në Gjirin Persik për eksportin e naftës dhe gazit nga Gjiri.

Sipas Financial Times dhe Reuters, cmimi i arit të zi u rrit me 18% gjatë dhjetë ditëve të fundit, duke arritur në rreth 79 dollarë për fuci, niveli më i lartë që nga janari.

Një tjetër goditje do të jepte bllokimi i ngushticës së Hormuzit, prej nga ku kalon 1/5 e naftës botërore. Kjo ka krijuar pasiguri të forta tek investitorët dhe ka vendosur në alarm ekonominë botërore. Ekspertët i tremevn një rritje të ndjeshme të cmimeve dhe një inflacioni global, cka do të detyronte Bankat Qendrore të ulnin sërish normat e interesit.

Prodhuesit e mëdhenj të naftës po ndjekin me shqetësim situatën. OPEC-u mund të rrisë prodhimin vjetor për të plotësuar kërkesën dhe frenuar rritjen e cmimeve. Por në kushtet e përshkallëzimit të konfliktit, kjo masë do të kishte një ndikim të kufizuar.

Të pastabilizuar janë edhe tregjet e tjerë, të cilët do të kushtëzohen nga sulmet në Lindjen e Mesme këtë javë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern